У Расеі ўпершыню з лютага выявілі больш за 12 тысяч новых выпадкаў COVID-19

Больш за ўсё заражэнняў выявілі ў Маскве.

У Расеі за апошнія дні выявілі 12 505 новых выпадкаў каранавіруса. Агульная колькасць з пачатку пандэміі склала 5 180 454. Пра гэта аператыўны штаб паведаміў у сваім Telegram-канале.

Колькасць заражэнняў перавысіла 12 тысяч упершыню з лютага 2021 году - 22 было зафіксавана 12 604 выпадкі каранавіруса, пасля чаго паказчыкі пачалі зніжацца.

Больш за ўсё заражэнняў выявілі ў Маскве (5853), Санкт-Пецярбургу (863) і Маскоўскай вобласці (837). Менш за ўсё - у Тыве (7), Магаданскай вобласці (5) і Ненецкай аўтаномнай акрузе (2).

За дзень памерла 396 чалавек, усяго з пачатку пандэміі - 125 674.

Дзённы паказчык акрыяння склаў 10 188 агульны - 4 782 183.