«Канскія львы» зрабілі больш жорсткімі правілы праверкі работ для беларускіх кампаній

Кампаніі будуць правяраць на прадмет накладання на іх санкцый.

Конкурсны камітэт вядучага рэкламнага фестывалю «Cannes Lions» зрабіў больш жорсткімі праверку работ, пададзеных ад беларускіх кампаній.

Згодна з новымі правіламі юрыдычныя кансультанты фестывалю падрабязна вывучаюць статусы агенцтваў на прадмет накладання на іх санкцый ААН, ЕЗ, урадаў Вялікай Брытаніі і ЗША. Праверка доўжыцца амаль месяц.

Пра гэта marketing.by паведаміла агенцтва Pocket Rocket, каманда якога сёлета ўжо здабыла ўзнагароду на The One Show, NY і «срэбра» на Кіеўскім фестывалі рэкламы за праект Wanna.

Удзельнікі падаліся і ў Каны, паспяхова прайшлі юрыдычную праверку Сannes Lions і знаходзяцца ў чаканні чарговай узнагароды.

Нагадаем - апошняга «Льва» Беларусі прынесла праца Ангеліны Пісчыкавай у катэгорыі «Дызайн» за ўпакоўку лямпачак CS Light Bulbs у 2017 годзе.