«Можа быць заразны і для вакцынаваных»: медыкі распавялі пра дэльта-штам COVID-19
1- 15.06.2021, 10:56
- 4,034
Гэтая разнавіднасць сфармавалася з індыйскага штаму.
Медыкі даследуюць новы штам каранавіруса, так званы варыянт «дэльта». Гэтая разнавіднасць сфармавалася з індыйскага штаму, распавядае «МедыкФорум».
Галоўная небяспека каранавіруса «дэльта» у тым, што ён можа быць заразным нават для тых людзей, якія прайшлі вакцынацыю. Менавіта гэта паказала адно з нядаўніх даследаванняў.
«Дэльта»-каранавірус утварыўся ад зліцця двух мутацыйных штамаў. Ён лягчэй узломвае імунную абарону чалавечага цела, больш эфектыўна прымацоўваецца да клетак-гаспадароў, хутчэй размнажаецца ў арганізме і лепш супраціўляецца антыцелам.
«Дэльта»-каранавірус на 40 адсоткаў больш заразны, чым брытанскі штам. Ён ужо заўважаны больш чым у 60 краінах. Менавіта з варыянтам «дэльта» індыйскія лекары звязваюць страту ў хворых слыху, узнікнення праблемы са страўнікам і ўтварэнне тромбаў, якія выклікаюць гангрэну.
Вынікі даследаванняў варыянту «дэльта» яшчэ не прайшлі экспэртную ацэнку, адзначае выданне.