Генпракурор Літвы: Расследаванне захопу самалёта ідзе даволі інтэнсіўна
1- 15.06.2021, 17:21
- 11,208
Вільня супрацоўнічае з шэрагам еўрапейскіх краін і кампаніяй Ryanair.
Генеральная пракурорка Літвы Ніда Грунскене паведаміла, што ў рамках расследавання інцыдэнту з самалётам авіякампаніі Ryanair у Беларусі створаная аб'яднаная следчая група. Пра гэта паведамляе Delfi.
«Дасудовае расследаванне ідзе даволі інтэнсіўна, сфармаваная аб'яднаная следчая група з польскімі службовымі асобамі, еўрапейскія следчыя ордэры таксама высланыя яшчэ некалькім краінам, такім, як Грэцыя, Ірландыя. Ажыццяўляецца супрацоўніцтва з Ryanair», - сказала журналістам у Сейме генпракурорка Ніда Грунскене.
Яна таксама сказала, што пракуроры хацелі б атрымаць ад авіякампаніі запытаную інфармацыю «трохі хутчэй».
Са слоў Грунскене, падазраваных у справе пакуль няма.