Палітвязень Зміцер Кулакоў праглынуў лыжку на знак пратэсту
2- 15.06.2021, 18:51
- 10,422
Адміністрацыя ўстановы з невядомых прычынаў пазбавіла яго спаткання з сям'ёй.
30-гадовы палітвязень Зміцер Кулакоў, асуджаны на 3,5 года "хіміі", праглынуў лыжку, паведамляе "Белсат".
У Змітра двое дзяцей. Перад сустрэчай з жонкай і сынам адміністрацыя ўстановы з невядомых прычынаў пазбавіла яго спаткання з сям'ёй. Пратэстуючы супраць гэтай пастановы, мужчына праглынуў металічную лыжку.
Таксама ёсць звесткі, што Кулакова на 10 дзён змясцілі ў карцар.
Раней на падобны адчайны крок пайшоў экс-міліцыянт Зміцер Кулакоўскі. Ён праглынуў лыжку, каб да яго выклікалі лекара. У Магілёўскай калоніі металічныя прадметы глытаў Арцём Анішчук. Паводле словаў жонкі, ён рабіў гэта, каб яго перасталі катаваць.