Украінскія памежнікі знайшлі беларускія цыгарэты, схаваныя ў драўніну
2- 16.06.2021, 10:48
- 9,838
Кантрабанду замаскавалі пад лесапрадукцыю.
На мытным пасту "Ковель" прадстаўнікі Службы бяспекі Украіны выявілі кантрабандную партыю цыгарэт, якую ўвішныя кантрабандысты замаскавалі пад лесапрадукцыю. Пра гэта паведамляе прэс-цэнтр СБУ.
Незаконны бізнэс арганізавалі некалькі жыхароў заходніх рэгіёнаў Украіны. Яны загружалі кантрабандны тавар на тэрыторыі афіляванай камерцыйнай структуры ў Львоўскай вобласці і афармлялі мытныя дакументы на падробленых дакументах на Валыні.
Сілавікі затрымалі грузавік кантрабандыстаў, дзе знайшлі больш за 500 скрынь цыгарэт беларускай вытворчасці, больш чым 300 куб. м. драўніны, а таксама дакументы, аформленыя на падстаўных асоб.