У Жэневе перад прыездам Пуціна з'явіліся тры білборды аб Навальным

На білбордах змешчаныя надпісы «Навальны атручаны «Навічком».

У Жэневе, дзе праходзіць сустрэча Уладзіміра Пуціна з Джо Байдэнам, з'явіліся тры білборды, прысвечаныя апазіцыянеру Аляксею Навальнаму. Пра гэта ў сваім Twitter распавёў былы кіраўнік рэгіянальнай сеткі штабоў Навальнага Леанід Волкаў, паведамляюць «Открытые медиа».

На білбордах змешчаныя надпісы «Навальны атручаны «Навічком», «І дагэтуль няма расследавання?», «Як жа так, містэр Пуцін?». «Жэнева сустракае гасцей», - адзначыў Волкаў.

Плакаты з'явіліся на той жа вуліцы, дзе два дні таму, 14 чэрвеня, намалявалі графіці з Навальным «Герой нашага часу». Яго аўтар - швайцарскі мастак Джулі Баро. Малюнак паўтарае графіці, якое ў красавіку з'явілася на трансфарматарнай будцы ў Пецярбургу.

16 чэрвеня ў Жэневе праходзіць першая сустрэча Пуціна і Байдэна. Напярэдадні саміту Пуцін даў інтэрв'ю амерыканскаму тэлеканалу NBC, у якім яго пыталіся, дарэчы, і пра Навальнага. У расейскага прэзідэнта спыталі, ці можа ён гарантаваць, што апазіцыянер выйдзе з турмы жывым. «Я сыходжу з перадумовы, што да чалавека, пра якога вы згадалі, будуць ужывацца такія ж захады і ні ў якай ступені не горшыя, чым да кожнага іншага, хто апынецца ў турме», - адказаў ён. «У нас няма такой звычкі - забіваць каго-небудзь», - дадаў Пуцін.