Экспэрт: Веру, што ў недалёкай будучыні ў Беларусі будзе краіна для жыцця

Але для таго, каб мы туды прыйшлі, трэба будзе яшчэ папацець.

Дырэктар кіроўнай кампаніі «Проста» Аляксандр Малашка падзяліўся з «Прымусам» сваімі думкамі пра сітуацыю ў Беларусі, піша «Салiдарнасць»:

- Я веру, што ў недалёкай будучыні ў Беларусі будзе краіна для жыцця. Але для таго, каб мы туды прыйшлі, трэба будзе яшчэ папацець.

Рана ці позна ўсё цяперашняе беззаконне, сацыялістычны маразм скончацца. І што мы будзем рабіць з той эканомікай, якую цяпер з такім паскарэннем развальваюць, што проста дзіву даешся? Пытанне палягае ў наступным: а што мы будзем рабіць потым, як гаварылася ў мультфільме пра Мумi-троляў, «што вы будзеце есці зімой - гузікі ад штаноў»?

Можна, вядома, сядзець і прыгнечана адказваць на сацапытанні. Але лепш няхай кожны на сваім месцы зробіць што-небудзь ці для сённяшняга, або для будучыні, каб пераход да яе быў як мага менш хваравітым, прасцейшым і гэтак далей. Тым больш, у рынак трэба ўваходзіць на спадзе, а не на ўздыме - а такога спаду, як цяпер, асабіста я ўжо даўно не памятаю.

І хоць, напрыклад, паводле афіцыйнай статыстыкі экспарт беларускіх тавараў за чатыры месяцы гэтага года істотна павялічыўся, гэта не азначае, што ўлады ўзялі сітуацыю пад кантроль, адзначае экспэрт:

- Заробкі не выраслі, ды і астатнія паказчыкі моцна не растуць. Таму ўлады не «адыгралі» пратэсты - тыя нікуды не дзеліся і ўсё адно бурляць, проста асноўны электарат, працаўнікі заводаў, паволі глядзяць, што далей будзе адбывацца. Пытанне ў тым, на чыю чару капне апошняя кропля з піпеткі вады.

На мой погляд, адназначна не на тую, якая была гэтыя 26 гадоў. Таму што можна, вядома, павялічыць экспарт за кошт вар'яцкага, нястрымнага продажу лесу, нафтапрадуктаў, можна ківаць на тое, што, маўляў, паглядзіце, як усё дрэнна ва ўсім свеце.... Напраўду пасля каранавіруса пачынае ўсё ажываць, попыт павялічыўся, кошты падняліся - гэтай кан'юнктурай рынкі хацелі скарыстацца і скарысталіся.

Але ўнутраныя пытанні як не развязваліся, так і не развязваюцца - нават больш за тое, як яны станавіліся з кожным днём усё глыбей і глыбей, так і супярэчнасці ўнутры грамадства і прадаўжаюць паглыбляцца. Калісьці была сказаная добрая фраза: «Толькі ўзяўся за яйцы - малако прапала». Вось цяпер у эканоміцы ў нас сапраўды гэтак жа.