Завінавачанасць беларускай прамысловасці пабіла гістарычны рэкорд

Папярэдні максімум пратрымаўся ўсяго тры месяцы.

На 1 траўня сумарная завінавачанасць флагманаў прамысловасці склала 94,754 млрд BYN. Гэта максімальнае значэнне запазычанасці за ўвесь перыяд замераў паводле прынятай у краіне методыкі, пішуць banki24.by.

У параўнанні з пачаткам 2021 года сума завінавачанасці павялічылася на 22,8% і гэта самыя хуткія тэмпы прыросту за апошнія гады. Параўнайце: за ўвесь 2020 год завінавачанасць прамыслоўцаў вырасла на 18,5%, за 2019-ы - на 3,2%, за 2018-ы - на 10%, за 2017-ы - на 11%, за 2016-ы - на 7,3%.

Іншымі словамі, за траціну бягучага года завінавачанасць павялічылася больш, чым за кожны поўны год мінулага пяцігоддзя.

Сярод галін прамысловасці паводле завінавачанасці вылучаецца энэргетыка (22,467 млрд BYN), харчпрам (11,617 млр BYN), дрэваапрацоўка і цэлюлознікі (10,880 млрд BYN), машынабудаванне (7,552 млрд BYN), вытворчасць неметалічных мінеральных прадуктаў (7,493 млрд BYN).

Аб'ём запазычанасці ў энэргетыцы падскочыў да пачатку года ў 3,7 разы. Такі імклівы рост тлумачыцца зменай асноўнага тыпу дзейнасці некаторых кампаній, якія раней праходзілі ў сектары будаўніцтва. Сума пратэрмінаваных пазык у прамысловасці таксама вымяраецца мільярдамі.

На 1 траўня буйныя і сярэднія прадпрыемствы назапасілі 4,655 млрд BYN праблемных завінавачанасцяў. Паводле гэтага паказчыку, як і паводле сукупнай суме пазыкі, прамысловасць лідзіруе ў эканоміцы.

Першыя месцы ў праблемных пазыках занялі харчпрам (1,185 млрд BYN), вытворцы неметалічных мінеральных прадуктаў (553,8 млн BYN), вытворцы транспарту (513,9 млн BYN), металургі (512 млн BYN). Сумарная запазычанасць складаецца з двух галоўных кампанент: пазык за крэдыты і пазыкі і крэдыторкі.

Да 1 траўня завінавачанасць флагманаў прамысловасці за крэдыты і пазыкі дасягнула 66,808 млрд BYN. У параўнанні з пачаткам года яны выраслі на 25,9%. Паводле аб'ёму назапашаных крэдытаў і пазык у прамысловасці ў лідарах энэргетыка (17,790 млрд BYN), дрэваапрацоўка і цэлюлознікі (9,588 млрд BYN), а таксама харчпрам (7,438 млрдBYN). Крэдыторкі флагманаў прамысловасці на справаздачную дату склала 27,945 млрд BYN. Гэта рэкордная значэнне крэдыторкі за ўвесь перыяд вымярэнняў па актуальнай методыцы.

З пачатку года сума запазычанасці вырасла на 16%. Паводле сумы крэдыторкі на 1 траўня ў ліарах энэргетыка (4,676 млрд BYN), харчпрам (4,179 млрд BYN), а таксама вытворцы неметалічных мінеральных прадуктаў (3,484 млрд BYN).