Свабодныя спартоўцы прыйшлі падтрымаць галоўнага трэнера гандбольнага «Віцязя» Кастуся Якаўлева

Аднак суд над ім зрабілі закрытым.

Як паведамляе «Трибуна», свабодныя спартоўцы прыйшлі падтрымаць затрыманага ўладамі трэнера гандбольнага клуба «Віцязь» Кастуся Якаўлева.

Спартоўцы прыйшлі да будынка суда, дзе першапачаткова павінна была разглядацца ягоная справа - але ў выніку пасяджэнне наважылі правесці проста ў ІЧУ ў закрытым рэжыме.

Нагадаем, Канстанцін Якаўлеў быў затрыманы 16 чэрвеня. Ён прыязджаў сёння ў Баранавічы сустракаць аўтара Tribuna.com Дзмітрыя Руто, які адбываў 15 дзён арышту.