Краіна, якая прызнала біткойн плацежным сродкам, сутыкнулася з праблемай

Сальвадор стаў першай у свеце краінай, якая зрабіла біткойн легальным плацежным сродкам.

Сальвадор, які раней прызнаў біткойн легальным плацежным сродкам, сутыкнуўся з праблемай, бо Сусветны банк адмовіўся дапамагаць краіне з яго укараненнем. Пра гэта піша ВВС.

Арганізацыя выказала занепакоенасць з нагоды ўздзеяння здабычы крыптавалюты на навакольнае асяроддзе і не захацела садзейнічаць Сальвадору ў распаўсюдзе біткойна. Цяпер краіна можа не паспець прызнаць яго ва ўстаноўлены 90-дзённы тэрмін. Раней Міжнародны валютны фонд (МВФ) заявіў, што сутыкнуўся з «макраэканамічнымі, фінансавымі і прававымі праблемамі» ў сувязі з пераходам Сальвадора на біткойн.

Сальвадор стаў першай у свеце краінай, якая зрабіла біткойн легальным плацежным сродкам. За гэтую ініцыятыву прагаласавалі 62 заканадаўцы з 84. Згодна з ініцыятывай, абменны курс да даляра «будзе свабодна ўсталёўвацца рынкам». Таксама цэны могуць ўсталёўвацца ў біткойнах, падатковыя ўнёскі могуць аплачвацца ў лічбавай валюце, а абмены ў біткойнах не будуць абкладацца падаткам на прырост капіталу.