25 лiпеня 2021, Нядзеля, 21:35
Сім сім, Хартыя 97!
Рубрыкі

Беларускія клубы разглядаюць варыянты правядзення хатніх гульняў еўракубкаў за мяжой

4
Беларускія клубы разглядаюць варыянты правядзення хатніх гульняў еўракубкаў за мяжой
ФОТА: PRESSBALL.BY

Еўрапейскія клубы не змогуць даляцець да Беларусі праз захоп самалёта.

Журналіст Мікалай Іваноў распавёў пра тое, што беларускія клубы могуць правесці свае хатнія матчы за мяжой, паведамляе «Трибуна».

«Паводле маёй інфармацыі, «Шахцёр» разглядае сталіцу Сербіі Бялград месцам правядзення «хатняга» матчу з «Лудагорцам» у Лізе чэмпіёнаў. Гэтая гульня стане адказам і адбудзецца 13 ці 14 ліпеня.

Дацкі «Капенгаген» і чэшская «Вікторыя» - еўракубкавых спаборнікаў «Тарпеда» і берасцейскага «Дынама» - таксама не маюць намеру ляцець у Беларусь. Нашы клубы шукаюць варыянты правядзення «хатніх» матчаў за мяжой», - напісаў Іваноў у сваім тэлеграм-канале.

Журналіст Уладзіслаў Татур дадаў, што салігорскі клуб можа правесці сваю гульню ў Расеі:

«Адносна «Шахцёра» чуў пра падмаскоўныя «Хімкі» як месца правядзення хатняга матчу», - дадаў Татур у сваім тэлеграм-канале.

Нагадаем, што 23 траўня ў Менску сеў самалёт, які выконваў рэйс па маршруце Афіны - Вільня. З борта на тэрыторыі Беларусі быў зняты журналіст Раман Пратасевіч. Яго змясцілі ў СІЗА. Праваабаронцамі Пратасевіч прызнаны палітвязнем. Пасля гэтай падзеі шэраг краін закрылі авіязлучэнні з Беларуссю.

Берасцейскае «Дынама» згуляе супраць «Вікторыі» Пльзень у Лізе канферэнцый. Першую сустрэчу запланавана правесці ў Чэхіі.

Спаборнікам «Тарпеда-БелАЗ» стаў «Капенгаген» (Данія).

БАТЭ будзе супрацьстаяць пераможцу пары «Дынама» Батумі (Грузія) - «Трэ Пенне» (Сан-Марына). Першую сустрэчу барысаўчане правядуць на выездзе.

«Шахцёр» згуляе супраць «Лудагорца» ў першым кваліфікацыйным раўндзе Лігі чэмпіёнаў.

Першы матч пройдзе ў Балгарыі (6/7 ліпеня), гульня ў адказ запланавана ў Салігорску (13/14 ліпеня).

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».