29 сакавiка 2024, Пятніца, 9:42
Падтрымайце
сайт
Сім сім,
Хартыя 97!
Рубрыкі

Беларускія незалежныя прафсаюзы атрымалі прэмію «за абарону правоў у апошняй дыктатуры Еўропы»

1
Беларускія незалежныя прафсаюзы атрымалі прэмію «за абарону правоў у апошняй дыктатуры Еўропы»
Фото: nn.by

У жніўні многія чальцы незалежных прафсаюзаў выйшлі на страйкі.

17 чэрвеня ў анлайн-фармаце адбылося ўганараванне Беларускага кангрэсу дэмакратычных прафсаюзаў (БКДП) і яго сяброўскіх арганізацый у якасці лаўрэата міжнароднай прэміі імя Артура Свэнсана, паведамляе racyja.com.

Старшыня арганізацыі Аляксандр Ярашук адзначыў падчас цырымоніі, што надзвычай ганарыцца прысуджэннем такой узнагароды незалежным прафсаюзам краіны.

«Справа, пачатая летась у жніўні, калі многія нашы сябры выйшлі на страйкі, змагаліся за тое, каб насталі перамены, каб мы сталі жыць ва ўмовах дэмакратыі, — пакуль яшчэ мы перамогі не дасягнулі. Але хачу запэўніць: мы абавязкова гэта зробім і апраўдаем узнагароду, якую лічым толькі авансам».

Прэмія Артура Свэнсана прысуджана незалежнаму прафсаюзнаму руху Беларусі ў красавіку за «бясстрашную барацьбу за дэмакратыю і асноўныя правы прафсаюзаў у апошняй дыктатуры Еўропы».

Напісаць каментар 1

Таксама сачыце за акаўнтамі Charter97.org у сацыяльных сетках