У Беларусі небывалы дэфіцыт медыкаў
27- 17.06.2021, 21:34
- 16,076
У рэгіёнах зусім не засталося вузкіх спецыялістаў.
Чытач тэлеграм-канала беларускіх медыкаў «Белыя халаты» піша:
«Працую не першы год у адным з платных цэнтраў Менска, вузкім спецыялістам. Такога наплыву пацыентаў з рэгіёнаў Беларусі, як цяпер, за ўвесь час не ўзгадаю. Едуць на абследаванне ў Менск з Пінска, Салігорска, Полацка і іншых гарадоў. Кажуць пра тое, што на раёнах не засталося вузкіх спецыялістаў зусім. Працуюць фельчараы і/або ЛАПы. У абласныя цэнтры на кансультацыю не прабіцца. І пытанне ніякім чынам не вырашаецца».
Нагадаем, у Рэспубліканскім банку вакансій прапануюць працу больш чым тром тысячам лекараў.