Названыя вадаёмы Беларусі, дзе забароненае або абмежаванае купанне
- 19.06.2021, 10:55
- 3,600
Для ведання адпачывальнікам у гарачыя выходныя.
Санстанцыя правяла за мінулы тыдзень 806 даследаванняў. Вызначаныя вадаёмы, дзе забароненае або абмежаванае купанне, паведамляе прэс-служба ўстановы.
На стан 17 чэрвеня купанне забароненае на пяці пляжах. Гэта:
• пляж на Грабянёўскім вадасховішчы Магілёва;
• гарадскі пляж на рацэ Днепр у Магілёве;
• пляж на Пячэрскім вадасховішчы Магілёва;
• пляж на рацэ Днепр у аграгарадку Палыкавічы Магілёўскага раёна.
• гарадскія пляжы на Дняпры ў парку культуры і адпачынку «Прыдняпроўскі» ў Гомелі (купанне дзяцей і дарослых прыпыненае, але дазволена займацца воднымі відамі спорту).
Купанне дзяцей абмежаванае:
• на пляжах «Цэнтральны» на правым і левым берагах Мухаўца ў Берасці;
• на цэнтральным пляжы возера Олтушскае ў Берасцейскай вобласці;
• на пляжы Вільчыцкага вадасховішча Магілёўскага раёна.