Беспілотнікі атакавалі вайсковую базу ў Емене
- 20.06.2021, 11:57
- 4,420
Вайскоўцы панеслі значныя страты.
У выніку атакі беспілотнікаў, запушчаных баевікамі-хусітамі, на вайсковую базу ў Емене загінулі чатыры вайскоўцы, дзясяткі атрымалі раненні.
Пра гэта паведамляе «Сіньхуа» са спасылкай на крыніцы ў войску Емена.
«Чацвёра навабранцаў з ліку вайскоўцаў Емена загінулі і яшчэ некалькі дзясяткаў атрымалі раненні ў выніку атакі беспілотнікаў хусітаў па праўладнай вайсковай базе ў правінцыі Хадрамаўт», - гаворыцца ў паведамленні.
Удакладняецца, што напад зазнала база, размешчаная на памежным КПП «Аль-Вадзія».
Разам з тым, паводле звестак Anadolu, сілы Арабскай кааліцыі знішчылі шэсць замінаваных БПЛА баевікоў руху «Ансарулах» (хусіты).
Сістэмы СПА сіл кааліцыі збілі замінаваныя беспілотнікі хусітаў у небе над паўднёвымі раёнамі Савудаўскай Арабіі. Такім чынам, колькасць збітых за апошнія 24 гадзіны беспілотнікаў хусітаў дасягнула 17.
Прадстаўнік руху «Ансарулах» Ях’я Серы паведаміў у Twitter аб паветраных ударах па савудаўскай авіябазе імя Караля Халіда ў раёне горада Хаміс-Мушайт. З ягоных слоў, пры нападзе на аэрапорт быў задзейнічаны БПЛА тыпу Kasıf-2, усе зададзеныя цэлі з дакладнасцю знішчаныя.