Названыя групы насельніцтва, якія ў першую чаргу паражае дэльта-штам каранавірус

Шатландскія даследчыкі правялі кагортны аналіз.

Паводле інфармацыі Сусветнай арганізацыі аховы здароўя, Цэнтраў кантролю і прафілактыкі захворванняў ЗША, расейскіх уладаў і экспэртаў з іншых краін, індыйскі штам каранавіруса, які распаўсюджваецца з нядаўніх часоў, выклікае асаблівую «заклапочанасць». Будучы ўпершыню выяўлены ў Індыі ў сакавіку, гэты варыянт SARS-CoV-2, таксама вядомы як B1617.2 (або дэльта-штам; альфа - брытанскі, бэта - паўднёваафрыканскі, гама - бразільскі), хутка захоплівае свет і стаў дамінантным у рэгіёнах мноства краін, у тым ліку ў паўднёвых штатах ЗША, Англіі, Шатландыі, а таксама, мяркуючы з усяго, у буйных расейскіх гарадах, піша naked-science.ru.

Небяспека ў тым, што ў Злучаным Каралеўстве перадача дэльта-штаму дасягнула піку ў больш маладой узроставай групе - ад 12 да 20 гадоў. Таму краіны паступова адкрываюць вакцынацыю для падлеткаў 12-18 гадоў. Цяпер хворыя скардзяцца ў асноўным на агульнае недамаганне, высокую тэмпературу, галаўны боль, боль у горле, кашаль і насмарк. Сімптомы вельмі падобныя на звычайную прастуду, аднак яны больш цяжкія. Бяда яшчэ ў тым, што індыйскі варыянт паражае і прышчэпленых.

Супрацоўнікі Інстытута Ашэра пры Эдынбургскім універсітэце і Рады ў грамадскай ахове здароўя Шатландыі правялі даследаванне, якое пацвердзіла, што дэльта-варыянт нясе павышаную ў 1,85 разы рызыку шпіталізацыі - у параўнанні з брытанскім штамам SARS-CoV-2. Таксама ім удалося прааналізаваць эфектыўнасць вакцынацыі для прадухілення цяжкага захворвання, выкарыстоўваючы праграму эпіднагляду за Covid-19 у краіне. Вынікі апублікавалі ў часопісе The Lancet.

За доследны перыяд - з 1 красавіка да 6 чэрвеня 2021 года - зарэгістравалі 19 543 пацыенты з Covid-19, 377 з якіх спатрэбілася шпіталізацыя. У 134 чалавек выявілі менавіта дэльта-штам. Выпадкі заражэння назіралі ва ўсіх узроставых групах, але часцей у дзяцей (пяць-дзевяць гадоў) і забяспечаных людзей. У большасці (70%) не было спадарожных захворванняў, аналагічная доля пацыентаў не прайшлі вакцынацыю ад каранавіруса.

«Дэльта-варыянт выяўлены ў асноўным у больш маладых і забяспечаных групах. Рызыка шпіталізацыі прыкладна ўдвая вышэйшая ў пацыентаў з індыйскім штамам у параўнанні з брытанскім, пры гэтым імавернасць павялічвалася ў пацыентаў з пяццю або больш адпаведнымі захворваннямі. Вакцыны Oxford - AstraZeneca і Pfizer - BioNTech былі эфектыўныя для зніжэння рызыкі заражэння і шпіталізацыі з дэльта-штамам, але іх уплыў на інфекцыю, відавочна, быў слабым, калі параўноўваць з брытанскім варыянтам. Прэпарат ад Оксфардскага ўніверсітэта і кампаніі AstraZeneca выявіўся менш эфектыўным, чым вакцына Pfizer - BioNTech, у прадухіленні заражэння ў пацыентаў з дэльта-штамам», - патлумачылі аўтары, падкрэсліўшы, што аналіз насіў назіральны характар, таму ацэнку вакцын «варта інтэрпрэтаваць з асцярожнасцю».