У Барысаве чацвёрты раз за месяц псуецца мост

Мост на Печы часова закрыты.

18 чэрвеня ў Барысаве быў перакрыты мост праз чыгунку ў Печы. Як паведамілі газеце «Адзінства» ў АДАІ Барысаўскага РУУС, на мосце паднялася пліта злучэння маставога пераезду з дарогай. Праз пагрозы пашкоджання аўтатранспарту аварыйны адцінак перацяты.

Нагадаем, што 19 траўня на дарозе Р67 паміж Барысавам і Беразіно паваліўся мост праз раку Рова. Са слоў відавочцаў, мост не вытрымаў нагрузкі ад праезду па ім шматтоннага грузавіка.

25 траўня адбылося абвальванне жалезабетоннага моста праз раку Лясная Левая на аўтадарозе Шчэрчава-Шарашова ў Пружанскім раёне.

З 18 чэрвеня праз пагрозу абвалу закрыты мост праз Дзвіну ў Наваполацку.