СМІ: Адхіленне Мядзведзева ад лідарства ў «Адзінай Расеі» - прыніжэнне

Перад фактам яго паставіў асабіста Пуцін.

Намеснік старшыні Савета бяспекі РФ, кіраўнік кіроўнай партыі "Адзіная Расея" Дзмітрый Мядзведзеў у пачатку тыдня думаў, што будзе першым нумарам спісу палітычнай сілы на выбарах у Дзярждуму, а пасля выбараў стане яе спікерам. Пра гэта паведаміла блізкая да кіраўніцтва партыі крыніца "Медузы".

Мядзведзеў даведаўся пра тое, што не ўключаны ў спіс "Адзінай Расеі" за некалькі дзён да з'езду партыі 19 чэрвеня. Суразмоўца выдання запэўнівае, што Мядзведзева "паставіў перад фактам" прэзідэнт РФ Уладзімір Пуцін.

Пуцін сам агучыў першую пяцёрку спісу, не даверыўшы кіраўніку партыі фармальна выканаць гэты рытуал. Адная з крыніц назвала адхіленне Мядзведзева ад лідарства ў спісе "прыніжэння".

У выніку першым нумарам у федэральнай пяцёрцы стаў міністр абароны Расеі Сяргей Шайгу. За ім ідзе міністр замежных спраў Сяргей Лаўроў, затым галоўны лекар інфекцыйнага шпіталя ў Камунарцы Дзяніс Працэнка, кіраўніца адукацыйнага цэнтра "Сірыус" Алена Шмелева і дзіцячы амбудсмэн Ганна Кузняцова.

З пецярых названых чалавек толькі Шайгу з'яўляецца чальцом "Адзінай Расеі", астатнія ў партыйную ўладу не ўваходзяць. Суразмоўца "Медузы" сказаў, што з высокай дзеллю імавернасці ніхто са складу першай пяцёркі працаваць у Дзярждуме не будзе.

Першую пяцёрку спісу на з'ездзе прапанаваў Пуцін, а не Мядзведзеў, дадала "Руская служба ВВС". Пастанову аб першай пяцёрцы прымалі ў рэжыме сакрэтнасці ў апошнія дні і нават гадзіны перад з'ездам, распавялі два суразмоўцы радыёстанцыі ў кіраўніцтве "Адзінай Расеі". Шмелева і Процэнка даведаліся пра тое, што ўвойдуць у першую пяцёрку, напярэдадні з'езду асабіста ад Пуціна.