Каманды Італіі ды Уэльса выйшлі ў плэй-оф Еўра-2020
- 20.06.2021, 21:01
- 5,310
Швайцарцы таксама маюць добрыя шанцы на выхад.
Італійцы, якія гарантавалі сабе выхад з групы ўжо пасля другога матчу, сёння падолелі каманду Уэльса - 1:0. Сустрэча прайшла ў Рыме. Гол на 39-й хвіліне забіў Матэа Песіна. З 55-й хвіліны матчу каманда Уэльса гуляла ў меншасці, чырвоную картку атрымаў Ітан Ампаду. Адзначым, што італійцы не прапусцілі ніводнага гола на турніры.
Каманда Швайцарыі падолела Турцыю - 3:1.
Швайцарцы з 4 баламі таксама маюць добрыя шанцы на выхад у плэй-оф як адна з чатырох найлепшых каманд, якія ў сваіх групах занялі трэцяе месца.