Бізнэсовец Алексін прадаў свае банкаўскія актывы
26- 23.06.2021, 18:13
- 19,496
Ён трапіў у чацвёрты блок санкцый ЕЗ супраць рэжыму Лукашэнкі і ягоных прыхільнікаў.
Лукашэнкаўскі бізнэсовец Аляксей Алексін, які трапіў пад санкцыі ЕЗ, прадаў свае банкаўскія актывы, паведамляюць Naviny.by.
Кампанія Stoneva Limited бізнэсоўца Рамэа Абдо (уласнік ГЦ Galileo, БЦ Rubin Plaza і Silver Tower) набыла 100% акцый MTB Investments Holdings Limited, якой належыць «МТБанк».
Раней банкам праз «Энэрга-Оіл» і «Белнафтагаз» валодаў бізнэсовец Аляксей Алексін. Ён трапіў у чацвёрты блок санкцый ЕЗ супраць беларускіх уладаў і іх прыхільнікаў.
Рамэа Абдо вядзе бізнэс у Беларусі, краінах Азіі, Афрыкі і Еўропы. Гэта ў асноўным тэлекамунікацыі, інфармацыйныя тэхналогіі і камерцыйная нерухомасць.