У Беларусі з 1 ліпеня даражэюць цыгарэты

Якія і на колькі.

Шматлікія маркі цыгарэт падаражэюць у Беларусі з 1 ліпеня. Больш за ўсё - на 15 капеек за пачак - цэны падымуць на Camel Studio Sunny Mix, Winston Compact Ambient Mix і Winston XS Caster Plus кампаніі «Тытунь-Інвест». А вось якая прадукцыя гэтага ж вытворцы падаражэе на 10 капеек: цыгарэты марак Camel Studio Shisha, Winston Classic, Winston Blue, Winston Super Slims Blue, Winston Compact Purple Mix, Winston XS Blue, Winston XS Silver, Winston XS Purple Mix, некаторыя тыпы цыгарэт Sobranie. На 5 капеек узрастуць цэны некаторых тыпаў Monte Carlo, Camel і Winston, паведамляе БелТА, спасылаючыся на Міністэрства падаткаў і збораў.

Што тычыцца прадукцыі Гарадзенскай тытунёвай фабрыкі «Нёман», то яе цыгарэты Pall Mall Demi Blue, Pall Mall Demi Azure і Rothmans Click Hit паднімуцца ў кошце на 10 капеек, а некаторыя тыпы Pall Mall, Kent і Rothmans - на 5 капеек.

Інфармацыя для тых, хто паліць імпартныя цыгарэты: на 10 капеек падаражэюць некаторыя тыпы Davidoff, Richmond, Aroma Rich, Kiss і Rothmans, а на 5 капеек - Pall Mall Nano Blue.