Беларускі журналіст у Літве заявіў, што ягонага калегу выкралі, але высветлілася, што той моцна спаў

Паліцыі давялося яго абудзіць.

У ноч на Купалле трывожнае паведамленне ў Вільнюскую паліцыю паступіла блізу 23.30. Беларускі журналіст, які жыве ў Вільні, паведаміў, што падазрае, што ягоны калега, з якім ён вядзе накіраваную супраць рэжыму Лукашэнкі радыёпраграму, мог быць выкрадзены, паведамляе Delfi.

Ён паведаміў, што звярнуўся ў паліцыю пасля падазронай размовы з калегам. Пазней той не адказваў на тэлефонныя званкі. Ён таксама не адказаў на званкі паліцыянтаў. Супрацоўнікі паліцыі прыбылі ноччу ў арандаваны дом на ўскраіне Вільні, але дзверы ім ніхто не адчыніў. Выклікалі пажарных, каб яны патрапілі ў будынак і ўпусцілі супрацоўнікаў паліцыі. Аднак выломліваць дзверы або разбіваць акно не было ніякай патрэбы. Прыбылыя суайчыннікі беларуса нарэшце здолелі датэлефанавацца да яго. Высветлілася, што мужчына проста моцна спаў. Прачнуўся, адчыніў дзверы і пагутарыў з супрацоўнікамі паліцыі.