Сіноптыкі расказалі, колькі беларусам засталося трываць гарачыню
1- 24.06.2021, 12:09
- 12,572
У найбліжэйшы час надвор'е зменіцца.
На пятніцу прагназуюць месцамі кароткачасовыя дажджы і навальніцы. Днём да +34°С, месцамі да +36°С.
У суботу і нядзелю краіна будзе знаходзіцца ў зоне ўплыву павольнага перамяшчэння атмасфернага фронту ва ўсходнім напрамку, услед за ім пачнуць паступаць больш прахалодныя паветраныя масы, паведамляе Белгідрамет.
У суботу на большай частцы тэрыторыі кароткачасовыя дажджы. Месцамі навальніцы, днём у асобных раёнах пройдуць моцныя дажджы, магчымы град. Днём +21... +28°С, на Гомельшчыне да +34°С, месцамі да +36°С.
У Менску ў суботу паводле прагнозу pogoda.by +27... +29°С, паводле прагнозу gismeteo.by – +26°С
У нядзелю – кароткачасовыя дажджы. Днём +21... +27°С, у Менску +24°С (паводле прагнозу gismeteo.by).