Доля Расеі на сусветным рынку вынаходак абрынулася ніжэй за 1%

Доля РФ у сусветных патэнтных заяўках за 10 гадоў скарацілася амаль удвая.

Расея працягвае здаваць пазіцыі на сусветным рынку тэхналагічных ноу-хау і навуковых даследаванняў, нягледзячы тое, што масавае ўкараненне інавацый закладзена ў якасці нацыянальных праектаў Крамля, паведамляе finanz.ru.

Колькасць патэнтавых заявак на вынаходкі, пададзенымі айчыннымі заяўнікамі ў краіне і за мяжой, за апошнія 10 гадоў зменшылася на 10%, падлічылі экспэрты Інстытута статыстычных даследаванняў і эканомікі ведаў НДУ ВШЭ.

Паводле вынікаў 2019 года расейскія рэзідэнты зарэгістравалі 29712 заявак на вынаходкі - на тысячу менш, чым годам раней, і на 3 тысячы паказчыкаў пачатку 2010-х.

Доля Расеі ў сусветных патэнтных заяўках за 10 гадоў скарацілася амаль удвая - з 1,6% да 0,9%.

«Звесткі аб патэнтаванні <...> наглядна адлюстроўваюць працэсы распрацоўкі новых тэхналогій» і дазваляюць «ацаніць тэхналагічны патэнцыял краіны»: гэта статыстыка сведчыць, што «тэмп тэхналагічнага абнаўлення ў Расеі прыкметна знізіўся», адзначае намесніца дырэктара ІСІЭЗ ВШЭ Кацярына Стральцова. Уплывовасць расейскай навукі ў найбольш значных галінах таксама прыкметна адстае ад лідараў, адзначаюць у ВШЭ. На сярэдзіну 2020 года, навуковыя працы, выкананыя з удзелам расейскіх навукоўцаў, увайшлі ў склад 502 глабальных даследчых франтоў - гэта значыць кластараў даследаванняў з сумесным цытаваннем, што складае «пярэдні край навукі».

На расейскія працы прыпала 4,83% з 10393 такіх «франтоў». Паводле гэтага паказчыку Расея займае 26-е месца ў свеце – ніжэй за Польшчу і Фінляндыю, а ад лідараў - ЗША і Кітая - адстае ў 10-14 разоў.

Павялічыць вытворчасць інавацыйнай прадукцыі ў эканоміцы таксама пакуль не ўдаецца. За 2015-19 гг у рэальным выразе (гэта значыць у пастаянных цэнах) яе аб'ём нават знізіўся - з 2,172 трлн у год да 2,024 трлн, падлічылі экспэрты.

Доля інавацыйных тавараў і паслуг у краіне складае ўсяго 6,1% супраць 27,9% у Гішпаніі, 27,3% у Вялікабрытаніі, 19% у Нямеччыне, 18% у Аўстрыі. Прычым за 2015-19 гг гэты паказчык знізіўся на траціну (-1,8 адсоткавага пункта, а ў сярэднетэхналагічных сектарах - на 2,8-4,2 п.п).

Паводле ацэнкі РАН, адток навукоўцаў і высокакваліфікаваных спецыялістаў з Расеі за апошнія 9 гадоў паскорыўся у 5 разоў.

Калі ў 2012 годзе штогод краіну пакідалі 14 тысяч навуковых работнікаў, то цяпер гэта ўжо 70 тысяч. Колькасць навукоўцаў у краіне скарачаецца тры дзесяцігоддзі запар, і калі ў 1990 годзе Расея займала першае месца па колькасці даследчыкаў (992 тысячаў), то да 2021 года страціла дзве траціны навуковых кадраў (348 тысяч).

У бюджэце-2021 на грамадзянскую навуку закладзена 563,5 млрд рублёў, або 7,8 млрд даляраў. Гэта ўсяго 2,4% ад сумы бюджэту (22,6 трлн рублёў) і 10 разоў менш асігнаванняў на войска і сілавыя структуры (5,659 трлн рублёў).