Біткойн вырас на 16% на фоне легалізацыі ў Сальвадоры
1- 9.06.2021, 21:01
- 2,204
Сальвадор першым у свеце легалізаваў біткойны як плацежны сродак.
Курс біткойна вырас на 16%, амаль да 36,7 тысячы даляраў. Кошт крыптавалюты расце на фоне легалізацыі біткойна парламентам Сальвадора.
Пра гэта сведчаць звесткі CoinMarketCap, паведамляе РБК.
Максімальны кошт біткойна 9 чэрвеня на найбуйнейшых біржах дасягаў 36,69 тысячы даляраў. Да 18:54 рост запаволіўся да 15%.
За тыдзень курс біткойна абрынуўся на 4%.
Нагадаем, сёння Сальвадор першым у свеце легалізаваў біткойны як плацежны сродак. Іх выкарыстанне ў якасці законнага плацёжнага сродку ўвойдзе ў дзеянне праз 90 дзён.