Virgin Galactic запусціла ракетаплан з Брэнсонам на борце
4- 11.07.2021, 18:06
- 4,328
Ракетаплан Unity падымецца на вышыню больш за 80 км.
Virgin Galactic запусціла ракетапланы Unity з чатырма пасажырамі на борце, у тым ліку з кіраўніком кампаніі Рычардам Брэнсанам.
Двухфюзеляжны самалёт VMS Eve падыме ракетапланы Unity на вышыню амаль 15-20 км. Затым ракетаплан адлучыцца ад носьбіта і запусціць уласны ракетны рухавік, паведамляе РБК.
Unity падымаецца на вышыню больш за 80 км. Там пасажыры некалькі хвілін прабудуць у бязважкасці і ўбачаць Зямлю з вышыні. Затым пілоты з дапамогай ручнога кіравання пасадзяць Unity ў касмапорт. Ён будзе прызямляцца як планёр, тармозячы рухомым хваставым апярэннем.
Праз дзевяць дзён у космас павінен адправіцца найбагацейшы чалавек у свеце, заснавальнік Amazon Джэф Безас. Яго аэракасмічная кампанія Blue Origin з'яўляецца канкурэнтам Virgin Galactic. Між іншым, за дзень да палёту Unity ў Blue Origin заявілі, што не лічаць яго касмічным, бо карабель не пераадолее лінію Кармана - вышыню 100 км, якая лічыцца міжнароднай мяжой космасу. Акрамя таго, лятальны апарат Virgin Galactic назвалі вышынным самалётам, а не паўнавартасным касмічным караблём.