Памёр былы гендырэктар «Белавія» Анатоль Гусараў

Гусараў узначальваў авіякампанію на працягу 25 гадоў.

Сёння ўноччу не стала былога генеральнага дырэктара «Белавія» Анатоля Гусарава. Пра гэта ў «Фэйсбуку» паведаміў цяперашні кіраўнік авіякампаніі Ігар Чаргінец.

«Мы сёння ўночы пасірацелі... Памёр Анатоль Мікалаевіч Гусараў. Няма слоў...», - напісаў Ігар Чаргінец.

Анатоль Гусараў узначальваў «Белавія» на працягу 25 гадоў, з дня заснавання кампаніі. Ён сышоў з пасады толькі ў лютым гэтага года.