«Ёсць пэўная інфармацыя, што Лукашэнку сёння ўначы ратавалі медыкі»
167- 16.07.2021, 13:52
- 193,882
Лекары прыязджалі ў рэзідэнцыю некалькі разоў.
Учора шэраг незалежных СМІ і многія тэлеграм-каналы паведамілі пра тое, што Лукашэнку на «Славянскім базары» ў Віцебску стала дрэнна і ён тэрмінова вылецеў у Менск.
Сёння некаторыя тэлеграм-каналы і СМІ ўдакладнілі бставіны тэрміновай эвакуацыі Лукашэнкі з Віцебскаа: дыктатару сапраўды стала дрэнна, хутчэй за ўсё праз спякоту падняўся ціск. З Віцебска яго эвакуявалі, паводле адной версіі, на верталёце, паводле іншай - на прыватным самалёце.
У тэлеграм-канале «Кіроўцы 97» сёння з'явілася інфармацыя аб дрэнным стане здароўя дыктатара цягам усёй ночы:
«Ёсць інфармацыя ад пэўнай крыніцы, што вусатую пачвару сёння ратавалі ўначы медыкі. Прыязджалі для гэтага ў рэзідэнцыю. Заязджалі больш за адзін раз. Яны ж кажуць пра шампанскае з лёдам», - паведамляе тэлеграм-канал.