У Расеі знайшлі зніклы з радараў самалёт АН-28
- 16.07.2021, 16:59
- 11,858
Лётчыкі здолелі прызямліцца на адкрытай пляцоўцы.
У Расеі адшукалі пасажырскі самалёт АН-28, які знік з радараў у Томскай вобласці. Пра гэта ў пятніцу, 16 ліпеня, паведамляе ТАСС са спасылкай на крыніцу ў экстраных службах.
«Самалёт знойдзены», - сказаў суразмоўца агенцтва і дадаў, што экіпаж і пасажыры не пацярпелі.
У сваю чаргу ў Сібірскім авіяцыйным пошукава-выратавальным цэнтры паведамілі, што зніклы борт выявілі выратавальнікі.
«Знойдзены раней зніклы борт. Выратавальны борт дакладвае, што людзі жывыя. Наколькі яны здаровыя і ў якім стане, невядома», - сказаў суразмоўца агенцтва.
Паводле звестак Telegram-канала Baza, экіпаж прыняў пастанову аб жорсткай пасадцы праз адмову рухавіка. Самалёт здолелі прызямліць на адкрытай пляцоўцы, ніхто з людзей на борце не загінуў. Па пасажыраў АН-28 выслалі два дадатковыя гелікаптэры для эвакуацыі ў Томск.