Будуць рабіць пластыку: медыкі распавялі пра стан пацярпелых ад удару маланкі пад Менскам
12- 18.07.2021, 15:19
- 17,248
Лекары рыхтуюцца да правядзення аператыўных умяшанняў.
Стан пацыентаў, пацярпелых напярэдадні ад удару маланкі на возеры ў Стайках, ацэньваецца як сярэдняй цяжкасці. Пра гэта паведамілі ў прэс-службе Міністэрства аховы здароўя.
«Цяпер лекары рыхтуюць іх да правядзення аператыўных умяшанняў. Гэта будзе комплекс хірургічнага лячэння з выдаленнем пашкоджаных апёкамі тканак і наступным правядзеннем пластыкі», - сказана ў паведамленні.
Нагадаем, што ў шпіталі Менска ўвечары 17 ліпеня паступіла чацвёра маладзёнаў, у якіх былі дыягнаставаныя электратраўмы.
На месцы трагедыі працавалі чатыры брыгады хуткай дапамогі Менскай вобласці. Як высветлілі спецыялісты СМП, група моладзі 1993-1996 гадоў нараджэння наважыла схавацца пад дрэвам у навальніцу, але ў яго ўдарыла маланка.
Дзяўчыну, якая была разам з хлопцамі, выратаваць не ўдалося.