Пад Камянцом адбыўся мор рыбы

Бачных забруджванняў на паверхні вады выяўлена не было.

У рацэ Лясная каля вёскі Голы Барок Камянецкага раёна Берасцейскай вобласці адбыўся мор рыбы, паведамляе прэс-служба МНС.

Паведамленне пра 40 мёртвых рыбінаў паступіла ўчора ў 15:30.

Супрацоўнікі Камянецкай міжраённай лабараторыі аналітычнага кантролю Рэспубліканскага цэнтра аналітычнага кантролю ў галіне аховы навакольнага асяроддзя даследавалі акваторыю.

Паведамляецца, што бачных забруджванняў на паверхні вады выяўлена не было. Спецыялісты ўзялі пробы вады для правядзення аналізаў. Вынікі чакаюцца 23 ліпеня.