У Літве затрымалі кантрабандныя беларускія цыгарэты на мільён еўраў
15- 21.07.2021, 12:19
- 10,932
Тайнікі былі абсталяваны ў панэлях з драўніны.
У Літве затрымалі кантрабандныя беларускія цыгарэты больш чым на мільён еўраў. Тайнікі былі абсталяваныя ў панэлях з драўніны, паведамляе літоўская мытная служба.
Літоўскія мытнікі ўжо ведаюць, што кантрабанда цыгарэтаў часта хаваецца ў грузавіках, якія вязуць з Беларусі грузы драўніны. Нядаўна затрымалі груз на 2 млн еўраў. Але кантрабанду прадаўжаюць везці.
У пункце пропуску "Райгардас" мытнікі праверылі фуру, якая везла кампаніі з Каўнаса панэлі з драўніны, і не памыліліся. Яны знайшлі больш за 300 тысячаў пачкаў цыгарэтаў Minsk Capital MS. Праводзіцца расследаванне.