Навукоўцы высветлілі, якія прадукты запавольваюць старэнне пасля 50 гадоў
1- 21.07.2021, 16:22
- 10,122
Сярод іх некаторыя віды ягад, рыбы і арэхі.
Экспэрты назвалі папулярныя прадукты, якія дапамогуць запаволіць старэнне чалавека пасля пяцідзесяці гадоў.
На думку спецыялістаў, дапамагчы ў гэтым пытанні можа авакада, якое стане карысным дадаткам да штодзённага рацыёну.
«Гэты прадукт робіць вашу ежу шчаслівай, што, у сваю чаргу, робіць вас шчаслівым, а хіба больш шчаслівыя людзі не жывуць даўжэй?» - кажа доктар медыцынскіх навук і аўтарка кнігі «Пахудзенне з дапамогай смузі» Лаура Бурак.
У сваю чаргу доктар медыцынскіх навук Меліса Мітры ў інтэрв'ю выданню Еatthis заявіла, што авакада - сапраўдная скарбніца тлушчаў, якія змагаюцца з запаленнем. Авакада дапаможа дамагчыся гладкай і зіхоткай скуры, акрамя таго ён багаты на вітамін А, які дапамагае арганізму пазбавіцца ад змярцвелых клетак скуры.
Спыніць працэс старэння дапамогуць і некаторыя віды рыбы з вялікай колькасцю амега-3 тлустых кіслот. Сярод іх - ласось, траска і селядзец. У даследаванні, апублікаваным часопісам PLEFA, адзначаецца, што сталая дыета з тлустымі кіслотамі амега-3 здольная фактычна знізіць рызыку развіцця хваробы Альцгеймера.
Захаваць маладосць скуры могуць таксама чарніцы, якія з'яўляецца багатай крыніцай вітамінаў А і С - ягады могуць паменшыць запаленне, здольнае прывесці да пашкоджання скуры і старэння. Іншыя ягады - клубніцы, ажыны і маліны - багатыя на антыаксіданты і біялагічна актыўныя злучэнні, што робіць іх неймаверна магутнымі суперпрадуктамі для барацьбы са старэннем.
Запаволіць старэнне ў людзей, старэйшых за 50 гадоў, дапамагае ліставая зеляніна - капуста ці шпінат. Такая зеляніна багатая на вітаміны, мінералы, абалоніну і іншыя біялагічна актыўныя злучэнні.
Важнай часткай здаровага харчавання з'яўляецца аліўкавы алей. Адна з прычын, па якой ён так добра ўплывае на скуру, палягае ў тым, што яго злучэнні імітуюць некаторыя з тых, што ёсць у нашай уласнай скуры.
Выдатным дадаткам да дыеты, якая спрыяе маладосці, таксама з'яўляюцца арэхі і насенне, якія змяшчаюць карысныя для сэрца тлустыя кіслоты амега-3 і вітамін Е.