Безас пабываў у космасе і прапанаваў рэвалюцыйную ідэю
9- 23.07.2021, 11:41
- 12,772
Гэта дазволіць палепшыць экалогію на Зямлі.
Заснавальнік Amazon і касмічнай кампаніі Blue Origin Джэф Безас прапанаваў чалавецтву задумацца над тым, каб перамясціць самую небяспечную для навакольнага асяроддзя прамысловасць у космас.
Пра гэта ён сказаў NBC News пасля субарбітальных палётаў на сваёй "турыстычнай" ракеце.
Паводле ягоных словаў, калі глядзець на планету збоку, "ніякіх межаў на ёй няма: гэта адна планета для ўсіх нас, і яна крохкая".
"Вы не ўяўляеце, наколькі тонкая атмасфера, калі глядзець на Зямлю з космасу. Мы жывем у ёй і для нас яна выглядае такой вялікай, што ствараецца адчуванне, быццам бы можна ігнараваць яе і ставіцца да яе дрэнна", – сказаў мільярдэр.
Безас мяркуе, што "трэба ўзяць усю цяжкую прамысловасць і перамясціць яе ў космас".
Самы багаты чалавек у свеце прызнае, што на гэта пойдуць "дзесяцігоддзі і дзесяцігоддзі". Наколькі гэта здзяйсняльна і ці здзяйсняльна ўвогуле, з улікам цэтліка на прадукцыю "з космасу", кіраўнік Amazon змоўчаў. Як адзначылі на рэсурсе, гэта хутчэй была эмацыйная, чым рацыянальная ідэя.