19 сакавiка 2024, aўторак, 12:18
Падтрымайце
сайт
Сім сім,
Хартыя 97!
Рубрыкі

«У пакеце паездкі, арганізаванай Лукашэнкам, не можа быць залішняга камфорту»

20
«У пакеце паездкі, арганізаванай Лукашэнкам, не можа быць залішняга камфорту»

Міністарка фінансаў Літвы распавяла пра выдаткі на мігрантаў.

Літоўскі ўрад выдзяляе на кожнага мігранта 5,85 еўра ў дзень. Такая сума прадугледжаная на харчаванне, аднак на справе ежа абыходзіцца даражэй, піша Delfi.

- 14 еўраў - сюды ўваходзіць ежа, транспарт і посуд, гэта мінімум, што мы знайшлі. У найбліжэйшы час правядзём яшчэ адзін конкурс, бо заканчваецца тэрмін дзеяння дамовы. Калі ўдасца знайсці танней, будзем рады», - распавяла мэр аднаго з памежных раёнаў. Яна дадала, што муніцыпалітэтам абяцаная кампенсацыя расходаў «у межах разумнага».

Міністр фінансаў краіны Гінтарэ Скайстэ заклікала арганізоўваць харчаванне па магчымасці мінімальнымі коштамі.

- Мы павінны дамовіцца - у пакеце паездкі, арганізаванай Лукашэнкам, не можа быць залішняга камфорту і краявіду на акіян. Мы павінны забяспечыць мінімальны стандарт, - сказала міністарка фінансаў.

Між тым, паводле апошніх звестак, за мінулы дзень на беларуска-літоўскай мяжы затрымалі 133 нелегальных мігрантаў. З пачатку 2021 года затрымана 2603 чалавекі, гэта ў 32 разы больш, чым за ўвесь мінулы год.

Напісаць каментар 20

Таксама сачыце за акаўнтамі Charter97.org у сацыяльных сетках