27 верасня 2021, панядзелак, 7:59
Сім сім, Хартыя 97!
Рубрыкі

ЕЗ ухваліў вакцыну Moderna для падлеткаў

3
ЕЗ ухваліў вакцыну Moderna для падлеткаў
Фото: Getty Images

Гэта новы крок у барацьбе з пандэміяй.

Еўрапейскае агенцтва медыцынскіх сродкаў (EMA) ухваліла ўжыванне вакцыны ад каранавірусу Moderna пад назвай Spikevax для вакцынацыі ад COVID-19 падлеткаў ва ўзросце з 12 да 18 гадоў. Як піша nv.ua, пра гэта паведамляецца на сайце EMA. Да гэтага ёю было дазволена вакцынаваць людзей ва ўзросце 18 гадоў і старэйшых.

Падлеткаў будуць вакцынаваць гэтак сама, як і дарослых: вакцыну будуць уводзіць двойчы ў цягліцы ў перадплечча з інтэрвалам чатыры тыдні.

Эфектыўнасць вакцыны была даказаная ў даследаванні, у якім удзельнічалі 3732 падлеткі ва ўзросце з 12 да 17 гадоў.

Даследаванне паказала, што вакцына Spikevax выклікала ў дзяцей з 12 да 17 гадоў выпрацоўку антыцелаў, параўнальную з такой у маладых людзей ва ўзросце ад 18 да 25 гадоў.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».