WSJ: Новыя санкцыі ЗША супраць рэжыму Лукашэнкі могуць закрануць нафтавы сектар і ўгнаенні
7- 25.07.2021, 22:16
- 17,524
ЗША разам з партнёрамі і хаўруснікамі прадоўжаць змушаць да адказнасці ўлады Беларусі.
Адміністрацыя прэзідэнта ЗША Джо Байдэна разглядае магчымасць увядзення новых санкцый у дачыненні да Беларусі, якія, як мяркуецца, закрануць нафтавы сектар краіны, а таксама пастаўкі з яе калійных угнаенняў. Пра гэта гаворыцца ў артыкуле, апублікаваным у нядзелю ў газеце The Wall Street Journal, піша zerkalo.io.
У матэрыяле прыводзіцца каментар адной з амерыканскіх афіцыйных асобаў. «Мы не будзем анансаваць канкрэтныя захады», – сказаў ён. Паводле версіі чыноўніка, «ЗША разам з партнёрамі і хаўруснікамі прадоўжаць змушаць да адказнасці» ўлады Беларусі, у тым ліку «шляхам увядзення санкцый».