СБУ ліквідавала ва Украіне магутную ботаферму
9- 26.07.2021, 11:46
- 11,876
Яна працавала на Расею.
Служба бяспекі Украіны паведаміла, што ліквідавала ў Івана-Франкоўскай вобласці магутную ботаферму, якая выконвала задачы заказчыкаў з РФ.
Як паведамляецца, яе арганізатарам быў мясцовы жыхар, які з'яўляецца спецыялістам у інфармацыйных і тэлекамунікацыйных тэхналогіях.
Толькі з пачатку 2021 года ён выкарыстоўваў для рэгістрацыі фэйкавых старонак амаль 12 тысячаў SIM-картаў украінскіх і расейскіх мабільных аператараў.
Заказчыкамі паслуг ботафермы, якая працавала ў асноўным у сацсетках, мэсэнджарах і электронных гаманцах, былі кліенты з РФ, якія выкарыстоўвалі яе магутнасці для накруткі праглядаў і каментароў, а таксама для «маштабных скажэнняў рэальнага становішча».
Падчас ператрусаў аператыўнікі СБУ канфіскавалі SIM-шлюзы, кампутарнае і іншае спецыялізаванае тэлекамунікацыйнае абсталяванне.
Распачатая крымінальная вытворчасць паводле арт. 361 (несанкцыянаванае ўмяшанне ў працу кампутараў) КК Украіны.
Санкцыя артыкула прадугледжвае пазбаўленне волі на тэрмін да шасці гадоў.