Энэргетыкі забаронена прадаваць дзецям у Беларусі
5- 26.07.2021, 20:34
- 3,842
Вось якія штрафы пагражаюць парушальнікам.
Энэргетыкі забаронена прадаваць асобам, якія не дасягнулі 18-гадовага ўзросту, за гэта пагражае вялікі штраф. Пра гэта паведамілі ў ГУУС Менгарвыканкама.
Як патлумачыў старшы інспектар інспекцыі ў справах непаўналетніх Партызанскага РУУС г. Менска Сяргея Пацэйка, асобам, што прадаюць энэргетыкі дзецям, пагражае адміністрацыйная адказнасць.
- Санкцыі артыкула прадугледжваюць штраф сумаю да дзесяці базавых велічынь, - сказаў Пацэйка.
Для грамадзян штраф можа скласці ад 1 да 2 тысяч рублёў, для службовых асоб - 5-10 тысяч, для юрыдычных асоб - ад 10 да 30 тысяч.
Забарона аб продажы энэргетычных напояў дзецям уведзеная пастановай урада Беларусі, Радай Міністраў прынятая адпаведная пастанова.
У спіс забароненай да продажу прадукцыі асобам, якія не дасягнулі 18-гадовага ўзросту, уключаны таксама алкагольныя напоі, піва, тытунёвыя вырабы, электронныя сістэмы курэння і іх напаўняльнікі, іншыя нікатынутрымліваючыя вырабы, а таксама ігральныя карты, эратычная прадукцыя і прадукцыя з элементамі эротыкі, пнеўматычная і кідальная зброя (за выключэннем цацак).
Пастанова Рады Міністраў увайшла ў дзеянне 8 ліпеня.