Санкцыі дзейнічаюць: Эпоха БелАЗа скончылася
27- 27.07.2021, 13:58
- 59,018
Грузавік на 2/3 складаецца з заходніх патэнтаў і тэхналогій.
Тэлеграм-канал «Беларускага аб'яднання працоўных» (БОР) растлумачыў, чаму эканамічныя санкцыі ЕЗ і ЗША азначаюць канец для вытворчасці БелАЗаў:
– Цяпер надышла чарга таго самага БелАЗа 75750, чатырохсоттоннага (прыкладны кошт блізу $ 10 лямаў, але ніхто і ніколі не апавяшчае такія закупкі), які «самы магутны і велізарны з усіх існых у нашай галактыцы» і на 2/3 складаецца з заходніх патэнтаў і тэхналогій.
А менавіта:
Цягавая ўстаноўка Siemens ММТ500 (кошт $ 2,5 млн)
Рухавікі: два кані MTU Дэтройт Дызель 16V4000 на 65 літраў кожны (вырабіла «варожая» Амерыка)
Шыны Брыджстоўн 59 / 80R63, кошт кожнай блізу 40 тысячаў мёртвых амерыканскіх прэзідэнтаў, без уліку дастаўкі, а ў камплекце іх 8.
Увага, пытанне:
Ад каго залежыць, ці будзе працаваць наймацнейшы з наймацнейшых БелАЗ на планеце або знікне з аблічча зямлі гэтак сама, як знік увесь расейскі аўтапрам.
Лукашысты і прапагандысты! Вось вам жалезнае і абсалютна бясплатнае правіла:
Пакуль вы не забяспечыце цалкам ізаляваную лінію вытворчасці з нуля і да першага самастойна выпушчанага ніта для мацавання ўнітаза да падлогі, вы не маеце права раскрываць рот на адрас тых краінаў, якія ў літаральным сэнсе вас забяспечваюць тэхналогіямі.
Сёння вас макнулі чарговы раз за вашу інфантыльнасць і непрыстасаванасць жыць у 21 стагоддзі сярод акулаў і хітрапрышчураных партнёраў.
Вы – мёртвы груз на плячах любой развітой краіны.
Толькі падумайце, што адзін роспіс пяра ў дамове, якая ляжыць на стале за некалькі тысячаў км ад РБ, ставіць пад удар цэлую галіну вашай эканомікі.
Гэта значыць, лёс цэлага сегменту эканомікі РБ, які дзесяцігоддзямі выбудоўваўся намаганнямі пакаленняў працоўных і інжынераў завода, вызначаецца ў тых кабінетах, дзе АГлобля ніколі не быў, і цяпер ужо быць не зможа проста фактам свайго статусу апушчэнца ды ізгоя для любога сярэдняга прадпрымальніка, які хоць бы трохі шануе сваю рэпутацыю!
Але самае цікавае, што вы ж не зможаце ў імпартазамяшчэнне.
І гэта чарговая перамога над вашым чырвона-зяленым светам «пабядзіцяляў».
Ваша столь у выпадку з БеЛАзам – гэта паўтара мільёна рухавікоў ад брацкіх ладаў-калінаў, якія вы адначасова ўпіхняце пад кабіну да 75750. Ну, больш проста няма варыянтаў.
А рабіць тое, што ёсць у іншых – гэта шлях у нікуды. Так што, зямля табе пухам, БеЛАзік! Ты як герой з грэцкай міфалогіі – такі родны, і такі чужы.