Коста-Рыку накрылі наймацнейшыя за апошнія 40 гадоў дажджы: Фотарэпартаж
- 27.07.2021, 10:41
- 3,286
Магутныя дажджы ў Коста-Рыцы прывялі да разбуральных паводак.
На Коста-Рыку абрынуліся наймацнейшыя за апошнія 40 гадоў дажджы, у краіне пачаліся паводкі. Пра гэта паведамляе REUTERS (пераклад – «УНІАН»).
Паводле звестак агенцтва, ахвярамі стыхіі ўжо сталі два чалавекі. Яшчэ двое прапалі без вестак.
Як паведамляецца, блізу трох тысячаў чалавек былі вымушаныя эвакуявацца.
Паводле словаў уладаў, у горадзе Турыяльба за адзін дзень выпала месячная норма ападкаў. Апошні раз такі лівень накрываў краіну ў 1978.
Паводкі нанеслі сур'ёзныя страты інфраструктуры на поўначы і ўсходзе Коста-Рыкі.