Аналітык: Санкцыі ЗША ў банкаўскім сектары стануць найбольш адчувальныя для рэжыму Лукашэнкі

Такія меры ўжо разглядаюцца.

Найбольш адчувальным для рэжыму Лукашэнкі ціскам з боку ЗША могуць стаць сектаральныя санкцыі па фінансаваму сектару, лічыць супрацоўніца Цэнтра аналізу еўрапейскай палітыкі Кацярына Глод.

- Мне здаецца, найбольш моцныя сектаральныя санкцыі з боку ЗША павінны дакранацца фінансавага банкаўскага сектара, - заявіла палітычны аналітык у эфіры «Дажджу». - І я думаю, што такія санкцыі таксама разглядаюцца. У асноўным усе транзакцыі Беларусі ідуць у далярах ЗША, і тая ж нафтаперапрацоўка, і калійныя ўгнаенні. І забарона на атрыманне валюты ад выручкі, напрыклад, у гандлі з Кітаем ці з Індыяй меў бы большы эфект.

Таксама санкцыі ЗША падзейнічалі б эфект і на краіны Блізкага Ўсходу, якія працягваюць інвеставаць у Беларусь, напрыклад, ААЭ, Турцыя, і краіны, дзе Беларусь цяпер спрабуе актыўна развіваць гандаль, гэта Афрыка, у тым ліку.

Я не кажу цяпер пра адключэнне Беларусі ад SWIFT, я маю на ўвазе нейкія забароны, абмежаванні на транзакцыі ў далярах ЗША.

Палітычны аналітык лічыць, што менавіта адтэрміноўка санкцый прывяла да таго, што ў рэжыму Лукашэнкі з'явілася магчымасць расправіцца з грамадзянскай супольнасцю.

- На жаль, да апошняга моманту санкцыі не былі сур'ёзнымі. Мы ўбачылі сектаральныя санкцыі толькі ў апошні месяц. І самая вялікая праблема ў тым, што гэтыя санкцыі не будуць дзейнічаць да канца гэтага года, а ў некаторых выпадках і даўжэй да заканчэння кантрактаў.

Як раз гэты інтэрвал дазволіў Лукашэнку зачысціць грамадзянскую супольнасць. Калі б сектаральныя санкцыі пачалі дзейнічаць адразу ў поўным аб'ёме, то, я думаю, мы б ужо не бачылі такога моцнага ціску на грамадзянскую супольнасць. Магчыма, амерыканскія сектаральныя санкцыі, накіраваныя на фінансавы сектар, акажуць большы ціск на рэжым Лукашэнкі, - мяркуе Кацярына Глод.