«Белавія» пракаментавала яшчэ адзін інцыдэнт са сваім самалётам

Hа гэты раз рэйса Менск - Хургада.

Інцыдэнт з самалётам «Белавія», які павінен быў вылецець з Менска ў Хургаду, адбыўся мінулай ноччу. Праз гэта пасажыры вылецелі на егіпецкі курорт з чатырохгадзінным спазненнем.

Як паведаміла zerkalo.io прэс-служба «Белавія», самалёт Boeing 737-800 у нацыянальным аэрапорце Мінск сутыкнуўся з тэлескапічным трапам і пашкодзіў заканцоўку крыла (вінглет). Інцыдэнт адбыўся падчас буксіроўкі самалёта для выканання рэйса В2-8213 з Менска ў Хургаду.

Судна павінна было вылецець а 02.25 аўторка, аднак рэйс затрымалі, пасажыраў размясцілі ў зоне чакання аэрапорта.

«Рэйс В2-8213 вылецеў з Менска ў Хургаду на рэзервовым паветраным судне а 06.52. Для ўстанаўлення дакладных прычын інцыдэнту, у тым ліку ацэнкі дзеянняў кіроўцы буксіроўшчыка, будзе створаная спецыяльная камісія», - паведаміла прэс-служба авіякампаніі.

Нагадаем, гэта другі інцыдэнт за апошнія два дні. У панядзелак самалёт, які ляцеў з Менска ў Анталлю, вымушаны быў змяніць маршрут і сесці ў аэрапорце Дамадзедава праз няспраўнасць з рухавічком.