Заўтра ўдзень будзе да +31°С
2- 27.07.2021, 20:58
- 5,012
Прагноз надвор'я на найбліжэйшыя дні.
28 ліпеня захаваецца ўплыў атмасфернага фронту, які змяшчаецца з паўднёвага захаду Еўропы. Чакаецца воблачнае з прасвятленнямі надвор'е, піша pogoda.by. На большай частцы тэрыторыі краіны кароткачасовыя дажджы. У асобных раёнах моцныя дажджы, месцамі навальніцы. Вецер паўднёва-ўсходні з пераходам на заходні сярэдні, пры навальніцах парывісты. Тэмпература паветра ўначы +15..+20°С, удзень +23..+29°С, у асобных раёнах +30..+31°С.
29 ліпеня варункі надвор'я будуць фармаваць няўстойлівыя і цёплыя паветраныя масы, якія паступаюць з поўначы Італіі. Пераменная воблачнасць. Месцамі ў рэспубліцы кароткачасовыя дажджы, навальніцы. Вецер заходні, паўднёва-заходні сярэдні, пры навальніцах парывісты. Тэмпература паветра ўначы +13..+20°С, удзень +24..+30°С, на паўднёвым усходзе да +32°С.