Беларуская лёгкаатлетка, якая падтрымала перамены, не выступіць на Алімпіядзе ў Токіа

Дар'я Барысевіч заявіла, што яе выступ на спаборніцтвах немагчымы.

Беларуская лёгкаатлетка Дар'я Барысевіч вяртаецца з такійскай Алімпіяды. Яна не зможа выступіць, бо атрымала траўму.

"Я лячу дадому! На жаль, АГ пройдуць без мяне. Праведзеная вялікая праца, набрана выдатная форма і... траўма. Сур'ёзная траўма, пры якой мой удзел у бегу на 1500 м немагчымы", – напісала спартоўка.

Яна дадала, што зычыць беларускай камандзе на Гульнях удалага выступу і будзе хварэць за кожнага.

Раней Дар'я Барысевіч падпісала ліст за сумленныя выбары і супраць гвалту, адзначае "Еўрарадыё".