Як увесь чэрвень сям'я са Слуцка кожны дзень запісвала свае выдаткі, каб зразумець, ці можна зэканоміць

Случчакі прыйшлі да цікавых высноў.

Ірына цягам месяца кожны дзень запісвала ўсе выдаткі сям'і. Яна хацела зразумець, на што марнуецца шмат грошай і ці можна зэканоміць. Вынікамі і высновамі случчанка падзялілася з «Кур'ерам».

Ірына распавяла, што ў адзін з вечароў яны завялі гаворку з мужам пра тое, што быццам нічога лішняга яны не набываюць, заробак не паменшыўся, а грошай не застаецца.

«Вызначылі, што паспрабуем кожны дзень запісваць усе марнаванні, - кажа Ірына. - Не сталі выбіраць асаблівую дату, а пачалі проста з наступнага дня, з 11 чэрвеня.

- Выдаткі за гэты месяц нельга ўважаць за рэгулярныя, бо карэктывы ў харчаванне ўнесла спякота. Таксама былі незапланаваныя марнаванні праз хваробы. Акрамя таго, нейкія прадукты ці тавары для дома мы не набывалі, таму што яны былі ў запасе. Думаю, каб зразумець выдаткі сям'і і на чым можна зэканоміць, трэба весці такі падлік хоць бы 3-4 месяцы (для зручнасці капейкі ў прыведзеным разліку я акругляла).

Абавязковыя выплаты

Наша сям'я складаецца з двух дарослых чалавек, ката і сабакі. Перш за ўсё, палічыла абавязковыя выплаты. У нас двухпакаёвая кватэра (48 кв. м). За камунальныя паслугі, хатні і мабільныя тэлефоны заплацілі 140 рублёў. На паліва, замену алівы і фільтраў у аўтамабілі сышло 220 рублёў. За гараж - 30 рублёў. Паколькі працую цяпер выдалена, на праезд у аўтобусе выдаткавала менш - 7 рублёў. Таксама крэдыт - 87 рублёў. Разам: 484 рублёў.

Трэба сказаць, што ў нас ёсць пэўныя смакавыя прыхільнасці. Я люблю малочную прадукцыю, гародніну, а муж - мяса, бульбу, памідоры. Звычайна на сняданак я пяку бліны, сырнікі, аладкі, вару кашу. На абед - суп і другое, на вячэру - калі як атрымліваецца. Муж працуе кіроўцам, таму кожны дзень, акрамя «сабойкі», набывае запас пітва ў дарогу і лёгкі перакус - печыва, выпечку. Таму набор прадуктаў у нас - адпаведны. Акрамя таго, ёсць лецішча, таму зеляніну, кабачкі, моркву не набывалі. А вось цукру на варэнні набылі больш чым звычайна.

Смятана - 5 рублёў

Ёгурт - 8 руб

Тварог, сыркі - 37 руб

Малако - 15 руб

Масла сметанковае - 14 руб

Сыр - 7 руб

Хлеб - 22 руб

Мяса, курыца - 60 руб

Рыба - 10 руб

Каўбаса, сардэлькі - 45 руб

Пельмені - 4 руб

Алей сланечнікавы - 5 руб

Мука - 5 руб

Чай - 10 руб

Кава - 14 руб

Цукар - 32 руб

Ахаладжальныя напоі - 69 руб

Цукеркі - 8 руб

Печыва - 22 руб

Марозіва - 7 руб

Торт - 4 руб

Разам: 403 руб.

Гародніна і садавіна

Памідоры - 51 руб

Агуркі - 14 руб

Бульба - 7 руб

Клубніцы, чарэшні - 19 руб.

Разам: 91 рубель.

Тавары для побыту

Шампунь, зубная паста, туалетная папера - 11 рублёў.

марнаванні на ката і сабаку

Кот у нас есць толькі сухі корм, а сабаку варым спінкі курыцы. Выдаткавалі на гэта 40 рублёў. Акрамя таго, сабаку зрабілі прышчэпку - 15 рублёў, затое напаўняльнік для туалета не набывалі. Разам: 55 рублёў.

Тавары для лецішча

Хімікаты - 5 руб

Жэрдкі, шрубы - 30 руб

Запчастка для цімера - 8 руб

Разам: 43 рублі

Непрадбачаныя выдаткі

Так атрымалася, што я захварэла, давялося скарыстацца платнымі медпаслугамі. Выдаткавала 197 рублёў: на лекі - 20, аналізы - 30, прыём - 60, лячэнне зуба - 87 рублёў.

Рамонт халадзільніка каштаваў 90, а рамонт абутку - 22 рублі. Падарунак - 50 рублёў.

Разам: 359 рублёў.

Ці можна зэканоміць

За месяц на ўсё мы выдаткавалі 1446 рублёў. Калі паглядзелі вынікі, здзівіліся, што абавязковыя выплаты ў выдатках склалі практычна столькі ж, колькі і прадукты. А здавалася, што на ежу ідзе больш.

Значную частку бюджэту з'ядае аўтамабіль, удвая больш, чым квартплата. Можна зэканоміць, калі ездзіць на грамадскім транспарце, ровары або хадзіць пешшу.

Яшчэ мы зразумелі, што непрадбачаныя марнаванні могуць скласці практычна траціну выдаткаў, таму заўсёды трэба мець запас.

Выявілася, што праз спёку на напоі выдаткавалі занадта шмат, нават больш, чым на мяса. Яны ж могуць стаць першым кандыдатам на эканомію. Можна рабіць хатнія морсы, балазе ёсць з чаго. На куплю печыва сышло 26 рублёў, можна выдаткаваць напалову менш, калі пячы самой. Звычайна я так і раблю, але не ў спякоту. У астатнім мы вызначылі, што нічога лішняга не набываем.

Трэба ўлічыць, што ў гэтым месяцы мы не набывалі вопратку, абутак, не былі ў забаўляльных установах, не рабілі паездкі.

Выснова такая: на самае неабходнае сям'і з двух чалавек трэба як мінімум 2000 рублёў на месяц. А жыць, адмаўляючы сабе ў самых простых задавальненнях, абясцэньвае і само жыццё».