Медалістамі Алімпіяды сталі прадстаўнікі 62 краін, але не Беларусі

На Алімпійскіх гульнях у Токіа завяршыўся пяты спаборніцкі дзень.

Паводле яго вынікаў медальная табліца пашырылася да 62 краіны.

Лідарства па-ранейшаму ўтрымлівае Японія. У спартоўцаў гэтай краіны ўжо 13 залатых медалёў, 4 срэбныя і 5 бронзавых. Далей у першай тройцы Кітай (12 залатых, 6 срэбных, 9 бронзавых) і ЗША (11 залатых, 11 срэбных, 9 бронзавых), паведамляе Рressball.by.

Адзначым сённяшнія камандныя залатыя медалі Латвіі (мужчынская зборная ў баскетболе 3х3) і Фіджы (мужчынская зборная ў рэгбі-7).

Беларуская дэлегацыя медалёў у актыве пакуль не мае.