Сёння лідару беларускай апазіцыі Мікалаю Статкевічу - 65 гадоў

Свабоду герою!

Свой 65-ы дзень нараджэння лідар беларускай апазіцыі, палітвязень Мікалай Статкевіч сустракае за кратамі, знаходзячыся ў зняволенні з цалкам надуманых абвінавачванняў. Нагадаем, супраць героя беларускага супраціву незаконны рэжым сфабрыкаваў крымінальныя справы.

Мікалай Статкевіч нарадзіўся 12 жніўня 1956 года ў вёсцы Лядна Слуцкага раёна Менскай вобласці. Скончыў Менскае вышэйшую інжынерна зенітна-ракетную вучэльню (МВІЗРВ) СПА. Абараніў кандыдацкую дысертацыю і выкладаў у МВІЗРВ. Кандыдат тэхнічных навук, падпалкоўнік запасу. 20 жніўня 1991 года публічна выступіў супраць путчу ў Маскве. Тады ж абвясціў аб стварэнні Беларускага згуртавання вайскоўцаў («Беларускага згуртавання вайскоўцаў»).

Мікалай Статкевіч быў адным з кандыдатаў у прэзідэнты на выбарах у 2010 годзе. Яго арыштавалі пасля масавай дэманстрацыі пратэсту супраць фальсіфікацый прэзідэнцкіх выбараў 19 снежня 2010 года.

Правёў амаль пяць гадоў за кратамі і выйшаў на свабоду толькі 22 жніўня 2015 года.

Мікалай Статкевіч працягнуў барацьбу супраць рэжыму Лукашэнкі і прымаў самы актыўны ўдзел ва ўсіх акцыях пратэсту.

31 траўня 2020 года Мікалай Статкевіч быў затрыманы па дарозе на пікет для збору подпісаў за вылучэнне Святланы Ціханоўскай кандыдаткай у прэзідэнты Рэспублікі Беларусь дастаўлены ў Ленінскае РУУС і арыштаваны на 15 дзён за ўдзел у несанкцыянаванай акцыі пратэсту. Пазней тэрмін утрымання Статкевіча пад вартай быў двойчы прадоўжаны, а 29 чэрвеня на апазіцыянера была заведзеная крымінальная справа за нібыта падрыхтоўку масавых беспарадкаў.

Свабоду герою!