У Шаркаўшчынскім раёне скралі воданапорную вежу
11- 2.08.2021, 11:30
- 19,276
Крадзеж года адбыўся ў вёсцы Рэчкі.
Як паведамляе УУС Віцебскага аблвыканкама, тут скралі воданапорную вежу.
З заявай у міліцыю звярнуўся начальнік ААТ «Жвіранка». Вежа знаходзілася паблізу вёскі Рэчкі і не эксплуатавалася, але яшчэ лічылася на балансе ААТ.
Як усталявалі аператыўнікі, аб'ект вышынёй 10 м і масай блізу трох тон выкралі трое жыхароў раёна. Мужчыны з дапамогай газавага разака дэмантавалі вежу, разрэзалі яе на часткі і здалі ў металалом. Частку выкрадзенага ўдалося вярнуць.
Распачатая крымінальная справа.